Autismoa eta autismoaren espektroko bestelako nahasteak dituztenen gurasoen Bizkaiko Elkartea

Non gaude?  /  Apnabi  /  Nor gara

Nortzuk gara?

APNABI autismo gaietan eta AEN-etan erreferentziazkoa den Bizkaiko elkartea da. 70eko hamarkadan jaio zen autismoa zuten pertsonen senitarteko talde baten ekimenez, argi ikusi baitzuten elkartu beharra zegoela ezjakintasun hutsagatik gaixotasuntzat hartzen zen gaitz hura duintzeko.

Gaur egun, izen oneko elkarte sendo bat da, Bizkaian AEN-ak dituzten pertsonen 700 familia baino gehiagori laguntzen diena eta 14 lan egoitzatan banatutako 150 profesional dituena.

APNABIk autismoaren espektroko (AEN) gaitzak dituzten pertsonen eskubide guztiak bermatzeko lan egiten du, eta erantzun integrala, pertsonala eta kalitatezkoa eskaintzen du pertsona horien bizi prozesu osoan zehar. Horretarako, helburu hauek ditu:

  • AEN-a duten pertsonen eta beren familien bizi-kalitatea hobetzea.
  • AEN-a duten pertsonen garapen pertsonala eta laneratzea eta gizarteratzea erraztea.
  • AEN-a duten pertsonek beren ezaugarri eta beharrizanei egokitutako erantzuna jasoko dutela bermatzea.
  • Jarrera malgu, harkor eta sortzailea eta aldi berean sistematikoa edukitzea beharrizan berriei aurre egiteko.

Zein elkarteren barruan gauden

Esperientzia eta ezagutza partekatu nahi ditugu, eta horretarako, hainbat forotan parte hartzen dugu, non esperientzia eta jakintza ugari kontrastatzen baitira AEN-ei eta adimen ezintasunari buruzko ezagutza handiagoa lortzeko, adibidez:

  • FEVAS Adimen Ezintasuna duten pertsonen aldeko Elkarteen Euskal Federazioa (www.fevas.org)
  • FEAPS Adimen Ezintasuna duten pertsonen aldeko Elkarteen Espainiako Konfederazioa (www.feaps.org)
  • Autismoaren Espainiako Konfederazioa www.autismo.org.es
  • Autismoaren Europako Konfederazioa www.autismeurope.org